တရုတ်-အမေရိကန်အားပြိုင်ပွဲမှ မြန်မာပြည်ရှောင်ထွက်ခြင်း

ဒေါ်အောင်ဆန်းစုကြည်နှင့် မြန်မာ့တပ်မတော် လက်တွဲပြီ
တရုတ်-အမေရိကန်အားပြိုင်ပွဲမှ မြန်မာပြည်ရှောင်ထွက်ခြင်း

ဒီနေ့ မြန်မာပြည် နိုင်ငံရေးအခင်းအကျင်းမှာ အုပ်စုကြီး(၃)ခုပဲရှိပါတော့တယ်။ မြန်မာတွေကြိုက်လှတဲ့ ဘောလုံးစကားနဲ့ပြောရရင် ပြိုင်ပွဲမှာ(၃)သင်းပဲကျန်တော့တယ်။
အုပ်စု(၁)ကတော့ အာဏာရဒေါ်အောင်ဆန်းစုကြည်ရဲ့အုပ်စု၊ အုပ်စု(၂)ကတော့ မြန်မာ့တပ်မတော်နဲ့ အုပ်စု(၃)ကတော့တိုင်းရင်းသားအင်အားစုများဖြစ်တယ်။
ဒီအုပ်စုကြီး(၃)ခုကလွဲရင် ကျန်တဲ့နိုင်ငံရေးပါတီတွေ၊နိုင်ငံရေးအင်အားစုတွေအားလုံးဟာ မြန်မာ့နိုင်ငံရေးဇတ်ခုံရဲ့ အဓိကဇတ်ကောင်တွေ မဟုတ်ကြတော့ပါဘူး
အဓိကဇတ်ကောင်(၃)ယောက်ကိုပဲ ဝန်းရံပံ့ပိုးကြရမယ့် ဇတ်ပို့၊ဇတ်ရန်တွေသာ ဖြစ်သွားပါတယ်။
မြန်မာ့နိုင်ငံရေး ဇတ်ခုံပေါ်မှာ အဓိကဇတ်ကောင်(၃)ယောက်ပဲရှိတော့တယ်ဆိုတာကို လက်ခံသလား၊ လက်မခံဘူးလားဆိုတာ နိုင်ငံရေးအင်အားစုအားလုံးရဲ့ အရေးအကြီးဆုံး ဆုံးဖြတ်ရမယ့် ပြဿနာပါ။
ဒေါ်အောင်ဆန်းစုကြည်အုပ်စုရယ်၊ မြန်မာ့တပ်မတော်ရယ်၊ တိုင်းရင်းသားအင်အားစုတွေရယ် ညီညွတ်ပြီး လက်တွဲနိုင်ရင် မြန်မာပြည်ထောင်စုအောင်ပွဲခံပါလိမ့်မည်။
ဒီအုပ်စု(၃)စု လက်မတွဲနိုင်ဘဲ ပဋိပက္ခအသွင်ဖြင့် ဆက်ရန်ဖြစ်နေရင်တော့ မြန်မာပြည်ဟာ ကျဆုံးနိုင်ငံတော်တစ်ခု ဖြစ်သွားပါတော့မယ်။
ဒေါ်အောင်ဆန်းစုကြည်ဟာ ပွဲစတာနဲ့ ဒီမိုကရေစီဘောလုံးကွင်းကြီးထဲမှာ အရှိန်အဟုန်နဲ့ စ,ကစားနေပါပြီ။ဘယ်သူမှတွက်ချက်မထားတဲ့မှန်းဆချက်တွေ၊ အကွက်တွေ တစ်ကွက်ချင်း ရွှေ့နေပါတယ်။
ဒေါ်အောင်ဆန်းစုကြည် ဘာလုပ်မလဲလို့ တွက်တဲ့ နိုင်ငံရေးသုခမိန်တွေအားလုံး (၉၀)ရာခိုင်နှုန်းလွဲပါတယ်။ မကြာခင်က ဒေါ်အောင်ဆန်းစုကြည်ဟာ တပ်မတော်နဲ့ အတော်ကြီးတင်းမာနေရာက ချက်ချင်းဆိုသလို တပ်မတော်နဲ့ အခိုင်အမာလက်တွဲပြလိုက်ပါတယ်။
အဲဒါကတော့ မြန်မာ-ရုရှ စစ်ဘက်ဆိုင်ရာ ပူးပေါင်းဆောင်ရွက်ရေးသဘောတူညီချက် အတည်ပြုလိုက်ခြင်းပဲဖြစ်ပါတယ်။
၂၀၁၆ခုနှစ်၊ မေလ(၁၀)ရက်နေ့၊ ပြည်ထောင်စုလွှတ်တော်မှာ နိုင်ငံတော်သမ္မတဦးထင်ကျော် ပေးပို့လာတဲ့ မြန်မာ-ရုရှစစ်ဘက်ဆိုင်ရာ ပူးပေါင်းဆောင်ရွက်ရေးသဘောတူညီချက်ကို လွှတ်တော်တွင်းမှာ NLDပါတီကတစ်ဦး၊ ကြံ့ခိုင်ရေးပါတီက တစ်ဦး၊ တပ်မတော်ကိုယ်စားလှယ်ကတစ်ဦး အကျေအလည်ဆွေးနွေးကြပြီး ဆုံးဖြတ်ကြတဲ့အခါ လွှတ်တော်တစ်ခုလုံးမှာ ကန့်ကွက်သူမရှိဘဲ အဆိုကိုအတည်ပြုလိုက်ကြသည်။
ဒီသတင်း အွန်လိုင်းပေါ်တက်လာခြင်းဖြင့် ထောက်ခံသူတွေ တစ်ပြည်လုံးအနှံ့အပြား တက်လာတာကိုတွေ့နေရတယ်။
ပြည်ထောင်စုလွှတ်တော်ရဲ့ ဒီကနေ့ဆုံးဖြတ်ချက်ဟာ အလွန်မှန်ကန်တဲ့ ဆုံးဖြတ်ချက်ပါ။ ဒီဆုံးဖြတ်ချက်ကို ကျုပ်တို့နိုင်ငံရေးအင်အားစုတွေနဲ့ ပြည်သူတစ်ရပ်လုံးက ထောက်ခံစေချင်ပါတယ်။
ဘာဖြစ်လို့လဲဆိုတော့ ကျုပ်တို့မြန်မာပြည်ဟာ အိမ်နီးချင်း စစ်အင်အားကြီး တရုတ်ပြည်ရဲ့ စစ်ရေး၊ စီးပွားရေး အခြိမ်းအခြောက်ခံနေရလို့ပဲ ဖြစ်ပါတယ်။
ရုရှ-မြန်မာ စစ်ဘက်သဘောတူညီချက်လုပ်နိုင်ခဲ့ခြင်းအတွက် ဒေါ်အောင်ဆန်းစုကြည်ဟာ တပ်မတော်နဲ့ပထမဆုံးအရေးကြီးဆုံး " ဘုံ " သဘောတူညီချက်တစ်ခုကို လက်တွဲလိုက်နိုင်ပြီလို့ ပြောလို့ရသွားတယ်။
အကျိုးကတော့ အလွန်ကြီးမားပါတယ်။ ဒီကနေ့ အရှေ့တောင်အာရှ၊တောင်တရုတ်ပင်လယ်နဲ့ အရှေ့ဖျားမှာ တရုတ်-အမေရိကန်-ဂျပန်-မြောက်ကိုရီးယားတို့ရဲ့ စစ်ရေးတင်းမာမှုဟာ အလွန်ပြင်းထန်လာနေပါတယ်။ အထူးသဖြင့် တရုတ်ပြည်နဲ့ အမေရိကန်ရဲ့ဒေသအတွင်းစစ်ရေးပြိုင်ဆိုင်မှုဟာ အရှိန်အဟုန်မြင့်လာတယ်။
မြန်မာနိုင်ငံဟာ အမေရိကန်နဲ့ပေါင်းမလား၊ တရုတ်နဲ့ပေါင်းမလားလို့ ဘက်နှစ်ဖက်ကိုရွေးရမယ့်အခြေအနေဖြစ်နေတဲ့ အချိန်မှာ အမေရိကန်ကိုရွေးလိုက်ရင် အင်အားကြီးတရုတ်ရဲ့ အမျက်ဒေါသနဲ့ ကြီးမားတဲ့ တုံ့ပြန်မှုကို မြန်မာပြည် အကြီးအကျယ် ရင်ဆိုင်ရပါတော့မယ်။
ဒါကိုစိုးရိမ်လို့ တရုတ်ပြည်နဲ့ ပူးပေါင်းရင်လဲ ယခင်အစိုးရအဆက်ဆက်လို တရုတ် ဩဇာခံနိုင်ငံဘဝ လုံးလုံးကျသွားပါလိမ့်မယ်။
မြန်မာ-ရုရှစစ်ဘက်ဆိုင်ရာ ပူးပေါင်းဆောင်ရွက်ရေးသဘောတူညီချက်ဟာ ဒေါ်အောင်ဆန်းစုကြည်နဲ့ မြန်မာ့တပ်မတော်ရဲ့ အလွန်မှန်ကန်တဲ့ ဆုံးဖြတ်ချက်ပါ။
ကျုပ်တို့မြန်မာပြည်ရဲ့အဖြစ်ကတော့ လူဦးရေ သန်း(၁၅၀၀)နီးပါးနဲ့ စစ်သားသန်းပေါင်းများစွာရှိတဲ့ တရုတ်စစ်တပ်ကို ကျုပ်တို့ စုစုပေါင်းလူဦးရေ သန်း(၅၀)တည်းနဲ့ ရင်ဆိုင်နေရတယ်။ ဒီကြားထဲ တိုင်းရင်းသားအချင်းချင်းကလည်း တိုက်နေတာအနှစ်(၆၀)ကျော်ပြီ။
ရှေးလူကြီးတွေပြောတဲ့ စကားအတိုင်းဆို......" မေခ၊ မလိခနဲ့ သံလွင်မြစ်ဖျားက တရုတ်မတွေရှူးရှူးပေါက်လိုက်ရင် မြန်မာပြည်တစ်ခုလုံး ရေကြီးပြီးတော့ ပင်လယ်ထဲမျောသွားနိုင်တယ်" ဆိုတဲ့စကားဟာ အင်မတန်ပညာရှိပါတယ်။
တရုတ်တွေအားလုံး သေနတ်မပါဘဲ ဒီအတိုင်း လမ်းလျှောက်ဝင်လာရင်တောင် ကျုပ်တို့ရင်ဆိုင်ဟန့်တားဖို့ အလွန်အခက်အခဲရှိနေပါတယ်။ ကျုပ်တို့လူဦးရေသန်း(၅၀)ဆိုတာ မော်စီတုံးမှားခဲ့တဲ့ ယဉ်ကျေးမှုတော်လှန်ရေးကာလအတွင်းက ခုန်ပျံကျော်လွှားရေးလုပ်စဉ်တုန်းက တရုတ်တွေအစာငတ်ပြီးသေတာတောင် သန်း(၃၀)လောက်ရှိခဲ့တယ်။အိမ်နီးချင်းဆိုတဲ့ တရုတ်ပြည်နဲ့ ရန်ပွဲတွေဖြစ်၊ စစ်ပွဲတွေဖြစ်ပြန်ရင်လည်း ဘယ်လိုမှအကျိုးမရှိတဲ့ လုပ်ရပ်သာဖြစ်တယ်။ စစ်မဖြစ်ချင်လို့ တရုတ်ကိုဖားပြီး သူ့ဩဇာခံ လုပ်ပြန်ရင်လည်း မြန်မာပြည်ဟာ တရုတ်ပြည်ရဲ့ အရန်ပြည်နယ်ဖြစ်သွားဖို့ပဲရှိပါတယ်။
တရုတ်ရဲ့ အန္တရာယ်ဟာ တနေ့တခြား ပိုပိုကြီးမားလာပါတယ်။ KIA,MNDAAကိုးကန့်, NDAAမိုင်းလား, TNLA တအောင်း, AAရခိုင် စတဲ့ လက်နက်ကိုင်အဖွဲ့တွေရဲ့နောက်ကွယ်က လက်မည်းကြီးဟာ တရုတ်ပြည်ပဲဖြစ်တယ်။
တရုတ်က မျက်ရိပ်မျက်ခြေပြလိုက်ရုံပဲရှိသေးတယ်၊ နယ်စပ်တကြောမှာတိုက်ပွဲတွေက ပလူပျံပြီးဖြစ်လာတယ်။
တကယ်တော့ မြန်မာ့တပ်မတော်ဟာ တရုတ်ထောက်ခံပေးခဲ့တဲ့ ဗကပကို အနှစ်(၄၀)ကျော် အကြီးအကျယ်ရင်ဆိုင်ခဲ့ရတဲ့ အတွေ့အကြုံရှိတယ်။
ဗကပတွေမအောင်မြင်ခဲ့ပါဘူး။ တရုတ်တွေ အကြံမအောင်မြင်ခဲ့ပါဘူး။ လွန်ခဲ့တဲ့ အနှစ်(၄၀)က တရုတ်ထောက်ခံပေးတဲ့ ဗကပကိုနိုင်ခဲ့တဲ့ခေတ်နဲ့ ဒီကနေ့တရုတ်ပြည်ဆိုတာ အလွန်ကွာခြားသွားခဲ့ပါပြီ။
ဗကပကို စစ်ရေးအကူအညီပေးခဲ့တဲ့ အခြေအနေတုန်းကတရုတ်ဟာ ခေတ်မီတိုးတက်သေးတဲ့တရုတ်ပြည်မဟုတ်ပါဘူး။ အဲဒီတုန်းက တရုတ်ပြည်ဟာသူ့ပြည်သူတွေကိုတောင် ထမင်းနပ်မှန်အောင် မကျွေးနိုင်ခဲ့ဘဲ ဆန်ပြုတ်တိုက်ထားရတဲ့အခြေအနေပါ။
ဒါ့အပြင် အဲဒီတုန်းက ကိုရီးယားစစ်ပွဲ၊ ထိုင်ဝမ်ပြဿနာ၊ တရုတ်-ရုရှနယ်ခြားစစ်ပွဲ၊တရုတ်-အန္ဒိယနယ်ခြားစစ်ပွဲ၊ တရုတ်-ဗီယက်နမ်စစ်ပွဲတွေကို အာရုံထားနေရတာပါ။ မြန်မာကိစ္စကို အာရုံမစိုက်နိုင်ခဲ့ပါဘူး။
ဒီကနေ့ တရုတ်ပြည်ဟာကမ္ဘာ့ စူပါပါဝါဖြစ်လာနေပါပြီ။ ကမ္ဘာ့စီးပွားရေးမှာဒုတိယအကြီးဆုံးဖြစ်လာပြီး ပထမအဆင့်ကိုတောင် တက်လှမ်းဖို့ပြင်နေပါပြီ။
စစ်ရေးမှာဆိုရင်လည်း အမေရိကန်နဲ့ရုရှပြီးရင် တတိယစစ်အင်အားအကြီးဆုံးနိုင်ငံ ဖြစ်လာနေပါပြီ။
ဒီကနေ့ တရုတ်စစ်လက်နက်တွေဟာ ဗကပကို တရုတ်တွေအကူအညီပေးခဲ့တဲ့ လွန်ခဲ့တဲ့အနှစ်(၄၀)က စစ်လက်နက်အဆင့်မဟုတ်တော့ပါဘူး။ အနီးဆုံး ဥပမာပေးရရင် ၂၀၁၅ခုနှစ် နှစ်ဆန်းက လောက်ကိုင်ဒေသကို ဖုန်ကြားရှင်ရဲ့ ဘိန်းတပ်ဖွဲ့တွေ အင်အားထောင်ကျော်လေးက ဝင်တိုက်တဲ့အခါ ဘယ်လိုရင်ဆိုင်ခဲ့ရလဲဆိုတဲ့အဖြစ်ဟာ အကောင်းဆုံးသင်ခန်းစာနဲ့ ဥပမာပဲဖြစ်တယ်။ဒါကြောင့် မြန်မာပြည်နဲ့ မြန်မာ့တပ်မတော်ဟာ တရုတ်ကိုရင်ဆိုင်ဖို့ အကောင်းဆုံးမဟာမိတ်၊ အကောင်းဆုံးမိတ်ဆွေကတော့ စစ်ရေးနဲ့ပတ်သက်လာရင် အမေရိကန်နဲ့ ပေါင်းမလား၊ ရုရှနဲ့ပေါင်းမလား နှစ်လမ်းပဲရှိပါတယ် နှစ်လမ်းပဲရှိပါတယ်။(စီးပွားရေးမှာတော့ အမေရိကန်နဲ့ ဂျပန်နဲ့ပေါင်းတာဟာ အကောင်းဆုံးပဲဖြစ်တယ်)
စစ်ရေးမဟာမိတ် နှစ်ဦးဖြစ်တဲ့ အမေရိကန်နဲ့ရုရှထဲက မြန်မာပြည်ဟာ အမေရိကန်နဲ့ပေါင်းလိုက်ရင် အိမ်နီးချင်း တရုတ်ပြည်ရဲ့ တုံ့ပြန်မှုကိုအတော်ကြီးကြီးမားမား ခံရနိုင်စရာရှိပါတယ်။
ဒီကနေ့ခေတ် မြန်မာပြည်လောက်......မြန်မာ့သမိုင်းမှာ အချုပ်အခြာအာဏာကို အစော်ကားခံရဆုံး အချိန်ကာလဆိုတာ မရှိခဲ့သေးပါဘူး။
ဒီနေ့ မြန်မာပြည်မှာ လူဖြစ်နေတဲ့ ပြည်သူသန်း(၅၀)စလုံးနဲ့ ပြည်ထောင်စုစစ်တပ်ဟာ ဘုရင့်နောင်၊ ဦးအောင်ဇေယျနဲ့ ဆင်ဖြူရှင်တို့ရဲ့မျက်နှာကိုကြည့်ဖို့ အလွန်ရှက်စရာကောင်းလှပါတယ်။
ဘုရင့်နောင်၊အလောင်းဘုရားနဲ့ဆင်ဖြူရှင်လက်ထက်မှာ ဓားနဲ့လှံပဲရှိတဲ့ခေတ်။တစ်အိုးစား နှစ်အိုးစား သွေးသောက်ဆိုတာတွေနဲ့ စစ်တိုက်ထွက်ခဲ့ရတဲ့ခေတ်မှာ မြန်မာပြည်ရဲ့ အချုပ်အခြာအာဏာဟာ အရှေ့ဘက်မှာ မဲခါင်မြစ်ဝှမ်း၊ အနောက်ဘက်မှာ ဗြဟ္မပုတ္တရမြစ်ဝှမ်း၊ တောင်ဘက်မှာမလေးယားကျွန်းဆွယ်အထိရောက်ခဲ့တယ်။
ဒါတွေပြောနေတာဟာ ငယ်ငယ်တုန်းက ရှင်ပြုတုန်းက ရွှေထီးဆောင်းခဲ့တာတွေကို စားမြုံ့ပြန်နေတာ မဟုတ်ပါဘူး။ ကျုပ်တို့ဘိုးဘွားဘီဘင်ခေတ်က အချုပ်အခြာအာဏာ ဘယ်လောက်ရှိခဲ့သလဲဆိုတာပြောချင်တာပါ။
ကျုပ်တို့ခေတ်ကျတော့ စစ်တောင်းမြစ်ကို မကျော်လိုက်နဲ့၊ သံလွင်မြစ်ကိုမကူးလိုက်နဲ့၊ ရခိုင်ရိုးမကိုမဖြတ်လိုက်နဲ့ ဘယ်လက်နက်ကိုင် ဒေသတဲ့။ဘယ်လက်နက်ကိုင်အဖွဲ့စိုးမိုးတဲ့နယ်မြေတဲ့။ဒါတွေဟာ အင်မတန်ရှက်ဖို့ကောင်းပါတယ်။
အမေရိကန်ပြည်နဲ့ အပုံ(၅၀)မှာ တစ်ပုံလောက်ပဲရှိတဲ့ နိုင်ငံသေးသေးလေးမှာ လက်နက်ကိုင်စစ်တပ်တွေဆိုတာ မှိုလိုပေါက်နေပြီး ဒါဇင်နဲ့ချီပြီးရှိနေတယ်။ကမ္ဘာ့နိုင်ငံတိုင်းမှာ တပ်မတော်ဆိုတာ တစ်ခုပဲရှိတယ်။ကမ္ဘာပေါ်မှာ ဘယ်နိုင်ငံမှာမှ တပ်မတော်နှစ်ခုရှိတဲ့နိုင်ငံဆိုတာမရှိပါဘူး။
ဒီလိုအခြေနေဆိုးတွေကိုရင်ဆိုင်နေကြရတာဟာ အိမ်နီးချင်းတရုတ်ရဲ့လက်ချက်ပဲဖြစ်တယ်။
ဒါတောင် တရုတ်ဟာ နံပါတ်(၁)ဂီယာပဲထိုးသေးတာဖြစ်တယ်။ဒီအခြေနေမှာတောင် မြန်မာပြည်နယ်စပ်တကြောမှာ တိုက်ပွဲတွေပလူပျံနေပြီ။
အကယ်၍ တရုတ်က နံပါတ်(၂)နံပါတ်(၃)ဂီယာတွေဆက်ပြီးထိုးလာခဲ့ရင် မြန်မာပြည်ထောင်စုဆိုတာ မြန်မာပြည်ပိုင်နက်ဆိုတာ ရန်ကုန်နဲ့ မန္တလေးတစ်ဝိုက်ပဲဖြစ်သွားနိုင်တယ်။
ဒါကြောင့် တရုတ်ရဲ့ မဟာဗျူဟာ ရွှေ့မယ့်အကွက်ကို တုန့်ပြန်ဖို့ တစ်လမ်းပဲရှိတယ်။ အမေရိကန်နဲ့စစ်ရေးပေါင်းမလား၊ရုရှနဲ့စစ်ရေးပေါင်းမလား။
ဒီကနေ့တော့ ကျုပ်ဝမ်းအသာဆုံး နေ့တစ်နေ့ပဲ။
ဒေါ်အောင်ဆန်းစုကြည်ဟာ ကျုပ်တို့ထင်ထားတာထက် ပိုအကွက်မြင်ပါတယ်။
တရုတ်နဲ့လဲ စစ်ရေးမပေါင်းဘူး။ အမေရိကန်နဲ့လဲ စစ်ရေးမပေါင်းဘူး။ကမ္ဘာ့ထိပ်သီး စစ်အင်အားကြီးနိုင်ငံဖြစ်တဲ့ ပထဝီအနေထားအရအဝေးဆုံးဖြစ်တဲ့ ရုရှနဲ့စစ်ရေးဆိုင်ရာသဘောတူညီချက် ယူလိုက်ခြင်းဖြစ်တယ်။
ရုရှနှင့်မြန်မာ စစ်ဘက်ဆိုင်ရာ သဘောတူညီချက် အတည်ပြုလိုက်ပြီဖြစ်တဲ့အတွက်ပြည်ပကျူးကျော်မှု ပေါ်ပေါက်လာသည်ဖြစ်စေ၊ပြည်ပနိုင်ငံတစ်ခုက ပြည်တွင်းရေး၊တိုင်းရင်းသားအရေးတွေမှာ ဝင်ရောက်စွက်ဖက်လာရင်ဖြစ်စေ ရုရှရဲ့စစ်ရေးအကူအညီရလာပါတော့မယ်။
ခေတ်မီလာတဲ့ တရုတ်ပြည်ရဲ့ စစ်လက်နက်စွမ်းရည်ကို ရင်ဆိုင်ဖို့ ရုရှရဲ့ ခေတ်မီစစ်လက်နက်ဟာ မြန်မာပြည်အတွက် အထူးလိုအပ်နေပါတယ်။
ဒီနေရာမှာ မြန်မာပြည်ဟာ ရုရှနဲ့စစ်ရေးပူးပေါင်းလိုက်လို့ အမေရိကန်နဲ့လဲ မဟာမိတ်ပျက်မသွားနိုင်ပါဘူး။ဘာကြောင့်လဲဆိုတော့ မြန်မာပြည်ရှိနေတဲ့ အရှေ့အာရှဖျားဒေသမှာ အမေရိကန်ရဲ့အဓိကရန်သူက ရုရှမဟုတ်ပါဘူး။တရုတ်ပဲဖြစ်တယ်။
ဒါ့အပြင် အမေရိကန်နဲ့ နေတိုးအဖွဲ့ဆိုတာ ဒေါ်အောင်ဆန်းစုကြည် ဘဝတလျှောက်လုံး အကြီးအကျယ်ထောက်ခံတဲ့ မိတ်ကောင်းဆွေကောင်း မိတ်ဆွေအရင်းအချာတွေပဲဖြစ်တယ်။
ဒေါ်အောင်ဆန်းစုကြည်အစိုးရနဲ့မြန်မာ့တပ်မတော်တို့ ရုရှနဲ့စစ်ရေးပူးပေါင်းလိုက်လို့ အမေရိကန်နဲ့ မဟာမိတ်ပျက်မသွားနိုင်ပါဘူး။အကြောင်းကတော့ ဒေါ်အောင်ဆန်းစုကြည်နဲ့  အမေရိကန်ခေါင်းဆောင်တွေ၊ အမေရိကန်ပြည်သူတွေအကြားမှာ နှလုံးသားချင်း ချိတ်ဆက်ထားပြီးသားပါ။
၂၀၁၇ခုနှစ်မှာ အမေရိကန်သမ္မတဖြစ်လာဖို့ ရှေ့ဆုံးကပြေးနေတဲ့ ဟီလာရီကလင်တန်ဟာ ဒေါ်အောင်ဆန်းစုကြည်နဲ့ ညီအမအရင်းအချာလိုဖြစ်နေသူပါ။
ဒါကြောင့် ရုရှနဲ့စစ်ရေးပူးပေါင်းဖို့ ဆုံးဖြတ်ချက်ဟာ မိတ်ဟောင်းဆွေဟောင်း အမေရိကန်နဲ့ မိတ်မပျက်စေပါဘူး။တနည်းအားဖြင့် ဒေါ်အောင်ဆန်းစုကြည်ရွှေ့လိုက်တဲ့အကွက်ဟာ သားရွှေအိုးထမ်းလာတဲ့ကိန်းမျိုးပါ။
အင်အား(၄)သောင်းကျော်ရှိတဲ့ UWSA 'ဝ ' တပ်ဖွဲ့လို တရုတ်အကြီးအကျယ်ထောက်ခံပေးထားတဲ့ လက်နက်ကိုင်စစ်တပ်တစ်ခုကို မြန်မာ့တပ်မတော်က လိုအပ်လို့ရင်ဆိုင်ရရင် ရုရှရဲ့စစ်အကူအညီလိုအပ်ပါတယ်။
ရုရှ-မြန်မာ စစ်ဘက်ဆိုင်ရာ သဘောတူညီချက်ယူလိုက်ခြင်းဟာ ဒေါ်အောင်ဆန်းစုကြည်ဆိုသူဟာ တစ်ကမ္ဘာလုံးဆိုင်ရာ မဟာဗျူဟာနိုင်ငံရေးနဲ့ ပထဝီနိုင်ငံရေး၊ပါဝါနိုင်ငံရေးကို ပိုင်နိုင်ကျွမ်းကျင်တယ်ဆိုတာ ပြလိုက်ခြင်းသာဖြစ်ပါကြောင်း။        ။
          
                                  Credit - ထောင်သူရဲဘအုပ်